İranın mərhum Ali Dini Lideri Seyid Əli Xameneinin dəfn mərasimi ilə bağlı təhlükəsizlik risklərinə dair iddia yayılıb.
igia.az xəbər verir ki, Almaniyanın "Die Welt" nəşrinin yaydığı məlumata görə, jurnalistlərin əldə etdiyi İran Qırmızı Aypara Cəmiyyətinin məxfi məktubunda matəm mərasimləri zamanı 1500-3000 nəfərin həlak ola biləcəyi proqnozlaşdırılır.
Məlumata əsasən, bununla əlaqədar İran hakimiyyəti xüsusi operativ qərargah yaradıb. Həmçinin Tehran yaxınlığındakı ölkənin ən böyük qəbiristanlığı olan Beheşt-e Zəhrada minlərlə yeni qəbir hazırlanıb.
Tehran şəhər administrasiyasının əməkdaşlarından birinin sözlərinə görə, kütləvi insan axını və havanın həddindən artıq isti keçməsi səbəbindən vəziyyətin necə inkişaf edəcəyini proqnozlaşdırmaq mümkün deyil.
Xatırladaq ki, Qasım Süleymaninin dəfn mərasimində rəsmi məlumatlara görə, izdiham nəticəsində 56 nəfər ölüb, yüzlərlə insan yaralanmışdı. Ruhullah Xomeyninin dəfn mərasimi də insan tələfatı ilə nəticələnmişdi.
