Mətbuat – həqiqətin səsi, cəmiyyətin vicdanıdır
22 İyul 2026-cı il Azərbaycan milli mətbuatının yaranmasının 151-ci ildönümüdür. Bu əlamətdar gün münasibətilə İctimai Güvənlik İnformasiya Agentliyi (İGİA) ölkəmizin bütün jurnalistlərini, redaktorlarını, fotojurnalistlərini, operatorlarını, media rəhbərlərini və informasiya sahəsində çalışan bütün peşəkarları ürəkdən təbrik edir.
1875-ci il iyulun 22-də böyük maarifçi və publisist Həsən bəy Zərdabinin təsis etdiyi "Əkinçi" qəzeti ilə əsası qoyulan Azərbaycan milli mətbuatı bu gün 151 illik şərəfli inkişaf yolu keçərək dövlətimizin, cəmiyyətimizin və milli dəyərlərimizin qorunmasında mühüm missiya daşıyır.
Mətbuat sadəcə xəbərləri çatdıran vasitə deyil. O, həqiqətin carçısı, xalqın səsi, dövlətlə vətəndaş arasında etibarlı körpü, milli birliyin və ictimai həmrəyliyin möhkəmlənməsinə xidmət edən güclü mənəvi institutdur. Güclü media cəmiyyətin inkişafına, şəffaflığın təmin olunmasına, milli maraqların müdafiəsinə və sağlam ictimai rəyin formalaşmasına böyük töhfə verir.
Müasir dövrdə informasiya təhlükəsizliyi hər bir dövlət üçün strateji əhəmiyyət daşıyır. Yalan xəbərlərin, dezinformasiyanın və informasiya manipulyasiyalarının artdığı bir zamanda peşəkar, vicdanlı və obyektiv jurnalistikanın rolu daha da yüksəlir. Bu baxımdan hər bir media nümayəndəsinin məsuliyyəti yalnız xəbər yaymaq deyil, həm də həqiqəti qorumaq, cəmiyyətin etimadını doğrultmaq və milli maraqları hər zaman üstün tutmaqdır.
İctimai Güvənlik İnformasiya Agentliyi (İGİA) fəaliyyətində obyektivlik, operativlik, şəffaflıq və ictimai məsuliyyət prinsiplərini əsas tutur. Agentliyimizin məqsədi cəmiyyəti doğru, dəqiq və etibarlı informasiya ilə təmin etmək, milli-mənəvi dəyərlərimizi qorumaq, dövlətçilik maraqlarını dəstəkləmək və ictimai etimadın möhkəmlənməsinə töhfə verməkdir.
Bu əlamətdar gündə Azərbaycan milli mətbuatının banisi Həsən bəy Zərdabinin əziz xatirəsini dərin ehtiramla yad edir, media tariximizin inkişafında əməyi olan bütün ziyalılara, qələm sahiblərinə və fədakar jurnalistlərə minnətdarlığımızı bildiririk.
İGİA bütün media nümayəndələrinə möhkəm cansağlığı, peşə fəaliyyətində uğurlar, yeni yaradıcılıq nailiyyətləri və daim həqiqətin keşiyində dayanmaq əzmi arzulayır.
22 İyul – Milli Mətbuat Günü münasibətilə bütün jurnalistlərimizi səmimi-qəlbdən təbrik edirik!
Həqiqətimiz – Güvənimiz – Missiyamız!
Famil Kəngərli
