Arıqlamaq məqsədilə istifadə olunan iynələr hər kəs üçün uyğun deyil.
igia.az xəbər verir ki, bu barədə dietoloq Anton Polyakov “Mk.ru”ya açıqlamasında danışıb.
Mütəxəssisin sözlərinə görə, artıq çəki və piylənməsi olan insanlara bu preparatları tibbi göstəriş olmadan tövsiyə etmək olmaz. Səbəb isə onların bir sıra yan təsirlərinin olmasıdır.
Polyakov qeyd edib ki, bu preparatlar ilkin olaraq şəkərli diabetin müalicəsi üçün hazırlanıb. Əsas məqsədi qanda şəkərin səviyyəsini azaltmaq, həmçinin ürək-damar sistemi, böyrəklər və görmə ilə bağlı fəsadların riskini aşağı salmaqdır.
Bundan başqa, preparatların iştahanı azaltdığı və bunun nəticəsində çəki itkisinə səbəb olduğu müəyyən edilib. Bu xüsusiyyət onların arıqlamaq məqsədilə istifadəsini genişləndirib.
Bundan əlavə, tibb elmləri doktoru Ança Baranova bildirib ki, bu preparatlar insanın dad seçimlərinə təsir göstərə, şirniyyata və hətta alkoqola marağı azalda bilər.(publika)
