İran raket proqramları ilə bağlı danışıqlar aparmaq niyyətində deyil, çünki onlar yalnız müdafiə xarakteri daşıyır.
Bunu İranın xarici işlər naziri Abbas Əraqçi bildirib.
Onun sözlərinə görə, uranın zənginləşdirilməsinin qadağan edilməsi məsələsi İranın nöqteyi-nəzərindən müzakirə mövzusu deyil:
"Uranın zənginləşdirilməsi İranın qanuni hüququdur və davam etməlidir. Hətta bombardmanlar belə ölkəni müvafiq imkanlardan məhrum edə bilməz. Raketlərlə bağlı danışıqlar nə indi, nə də gələcəkdə mümkün deyil, çünki bu, müdafiə xarakteri daşıyır".
O, İranın nüvə məsələsinin yalnız danışıqlar yolu ilə həll edilə biləcəyini vurğulayıb.
