Helium şarları ilə oynayan 2 uşaq balonun partlaması nəticəsində yanıq xəsarəti alıb.
Hadisə Türkiyənin Diyarbəkir şəhərinin Kayapınar rayonunda qeydə alınıb.
Belə ki, 2 azyaşlı qız parkda helium şarları ilə oynayan zamanı balona doğru alışqan yandırıblar. Bu da partlayışa səbəb olub.
Hadisə nəticəsində azyaşlılar üzündən yaralanıb.
Əraziyə dərhal təcili tibbi yardım briqadaları cəlb edilib, yaralılar xəstəxanaya yerləşdirilib.
