Birləşmiş Ərəb Əmirliyinin ən böyük nəqliyyat qovşağı olan Dubay Beynəlxalq Hava Limanında (DXB) həyəcanlı anlar yaşanıb.
igia.az xəbər verir ki, AFP agentliyinə danışan şahidlərin sözlərinə görə, hava limanı üzərində güclü partlayış səsi eşidilib və dərhal sonra ərazidən qara tüstü buludu yüksəlməyə başlayıb.
Hadisə ilə əlaqədar hava limanının fəaliyyətində ciddi axsamalar yaranıb. "Flightradar24" xidmətinin məlumatları göstərir ki, Dubaya enməli olan onlarla təyyarə hazırda hava limanı üzərində dövrə vuraraq gözləmə rejiminə keçib, bəzi reyslər isə qonşu hava limanlarına yönləndirilir.
