Türkiyədə kasıblara yemək paylayan müəssisədə at əti skandalı yaşanıb.
igia.az xəbər verir ki, Mersin bələdiyyəsi nəzdində fəaliyyət göstərən aş evində (pulsuz yemək paylanılan yer) bişirlən qovurmanın içərisindən yarış atına məxsus çip tapılıb.
Sözügedən çipi yeməkxanadan qovurma alan vətəndaşlardan biri aşkarlayıb və vəziyyət barədə aidiyyəti qurumları məlumatlandırıb.
Şikayət əsasında araşdırma başladılıb. İlkin qiymətləndirmə zamanı cismin elektron heyvan identifikasiya çipi olduğu müəyyən edilib.
Yeməkxanadan götürülən nümunələrin monitorinqi nəticəsində at əti aşkarlanıb.
Yeməkdə tapılan çipin üç dəfə birinci yeri tutan Britaniya yarış atı olan "Smart Latch"a məxsus olduğunu müəyyən edilib.
Hadisədən sonra 213 kq qovurma məhv edilib.
Qeyd edək ki, Mersin Böyükşəhər Bələdiyyəsinin sədri Vahap Seçer CHP-lidir.
