Sizin iqtisadi vəziyyətinizi yaxın çevrənizdəki 5 dostunuz müəyyən edir.
igia.az xarici KİV-ə istinadla xəbər verir ki, bu fikirlər yazıçı, motivasiya spikeri Cim Ronun (Jim Rohn) məşhur sitatına əsaslanır.
Onun dediyinə görə, ətrafınızdakı 5 nəfərin qazancının ortalaması, çox vaxt sizin gəlir səviyyənizə yaxın olur.
Bu vəziyyət təsir effekti ilə əlaqələndirilir.
Yazıçı deyirdi ki, ətrafınızdakı insanlar sizin özünəinamınıza, hədəflərinizə, və davranışlarınıza təsir göstərir.
Onun fikrincə, pozitiv, hədəfi olan insanlar sizi irəli çəkir, neqativ və şikayət edən insanlar isə sizi olduğunuz yerdə saxlayır və ya geriyə salır.
Lakin amerikalı tanınan həkim, yazıçı və podkast aparıcısı Cordan Qrumet 5 dostla bağlı deyilənlərlə razılaşmır. O hesab edir ki, müasir həyat dostlar arasında yaxınlığı məhv edib və əlaqələr əvvəlki kimi deyil.
Ona görə də, Qrumet deyir ki, bu gün biz ətrafımızdakı beş insanın ortalaması deyilik.
Yazıçı düşünür ki, uğurlu insanların yanında olmaq praktikada işə yaramır.
Hansı fikrin daha doğru olduğunu bilmək üçün ətrafınızdakı 5 nəfərə diqqət yetirə bilərsiniz.
