10 may 2026-cı il tarixində Ağdaş rayonunda müasir müstəqil Azərbaycan dövlətinin memarı və qurucusu, görkəmli dövlət xadimi, dahi şəxsiyyət Heydər Əliyevin anadan olmasının 103-cü ildönümü qeyd olunub.
Bu münasibətlə keçirilən tədbirdə Ağdaş Rayon İcra Hakimiyyətinin başçısı Orxan Hüseynzadə, hüquq-mühafizə orqanlarının, Yeni Azərbaycan Partiyası Ağdaş rayon təşkilatının, eləcə də rayonun idarə, müəssisə və təşkilatlarının rəhbər və əməkdaşları, rayon ictimaiyyətinin nümayəndələri iştirak ediblər.
Tədbir iştirakçıları Ulu Öndər Heydər Əliyevin abidəsini ziyarət edərək, abidənin önünə gül dəstələri düzüb, əziz xatirəsini dərin hörmət və ehtiramla yad ediblər.
