D vitamini bədənimizin düzgün işləməsi üçün lazım olan vacib qida maddələrindən biridir. Sağlam sümükləri, dişləri və əzələləri qorumaq üçün lazım olan fosfat və kalsium miqdarını tənzimləməyə kömək edir.
Lazım olan D vitamininin çox hissəsini günəş işığından alsaq da, qışda bu çətin ola bilər.
Nəticədə, bir çox insan fevral və mart aylarında D vitamini səviyyələrinin aşağı olduğunu görür. D vitamini çatışmazlığı varsa, bu, yorğunluq, sümük ağrısı, əzələ zəifliyi və əhval dəyişiklikləri kimi bir sıra problemlərə səbəb ola bilər.
Qışda D vitamini çatışmazlığının qarşısını almaq üçün əlavələr qəbul etmək tövsiyə olunur.
Diyetoloq Vasilisa Ponomaryova ən yaxşı D vitaminindən danışıb.
"Yay aylarında günəş işığına məruz qalmaq bizə minimum səviyyədə D vitamini verir, lakin qış aylarında günəş işığına məhdud çıxış və Böyük Britaniyanın Şimal yarımkürəsində yerləşməsi ilə kifayət qədər D vitamini qəbul etmək mümkün deyil.
Əgər bu səbəbdən əlavələr qəbul etmək qərarına gəlsəniz, D 3 variantını seçin. D3 vitamini heyvan mənbələrindən və günəş işığından, D2 isə bitkilərdən gəlir”.
"Çoxumuz D vitamini əlavələri qəbul etməkdən faydalanardıq, lakin D2 vitamininin bitki formasından 87 faiz daha güclü olan D3 vitamini əldə etsəz, pulunuza qənaət etmiş olarsız".(medicine.az)
