“Beynəlxalq Sertifikatlı Rəqəmsal Müəllim” qrant layihəsi çərçivəsində açılış tədbiri baş tutub.
Layihə çərçivəsində 30 nəfər müəllim üçün “ICDL – Kompüter və onlayn əsaslar” proqramı üzrə nəzəri və praktik təlimlər təşkil ediləcək. Təlimlər zamanı müəllimlərin kompüter və onlayn mühitdə işləmək bacarıqları inkişaf etdiriləcək, əldə olunan biliklər praktiki tapşırıqlar vasitəsilə möhkəmləndiriləcək. Layihənin sonunda iştirakçılar beynəlxalq ICDL sertifikasiya imtahanında iştirak edəcək və nəticələrə uyğun olaraq beynəlxalq sertifikat əldə edəcəklər. Bu proses müəllimlərin rəqəmsal kompetensiyalarının artırılmasına və məktəbdə müasir tədris mühitinin formalaşmasına töhfə verəcək.
Xatırladırıq ki, “Beynəlxalq Sertifikatlı Rəqəmsal Müəllim” qrant layihəsi Təhsildə İnkişaf və İnnovasiyalar üzrə IX Qrant Müsabiqəsinin qalib layihələrindəndir və Aytən Bağıyeva tərəfindən Bakı şəhər 36 nömrəli tam orta ümumtəhsil məktəbində həyata keçirilir. Layihənin məqsədi layihənin məqsədi məktəbin 30 nəfər müəlliminin kompüter proqramlarından istifadə etmək üçün lazım olan bilik və bacarıqlar qazanmalarına dəstək vermək, həmin bacarıqları ölçən “ICDL – Kompüter və onlayn əsaslar” (ICDL – Computer and Online Essentials) beynəlxalq serifikasiyasına hazırlamaq və imtahanda iştiraklarını təmin etməkdir.
